Хэхэ, би ер нь төрхөөсөө их өөнтөгч муу зантай төрсөн хөөн юм байгаан. Ойрын үед даанч сайн илрээд байгаам л даа. Ингээд би миний хэдэн туйлшрал гэсэн юм бичье гээд сууж байна.

1. Шаал дэмий нэг туйлшрал  

"Чио Чио Сан" дуурийн Монголд тавигдсаны 40 жилийн ой болох гэж байгаа гэнээ. Яахав би нээх их гэгээрсэн хүн биш учраас дуурь муурь үздэггүй юм. Үзвэл бас нэг ойлгох эсэхээ бас сайн мэдэхгүй. Тиймээс дуурийн тухай бичих гээгүй нь ойлгомжтой байгааздээ. Сүүлийн долоо хоногт сонин хэвлэлээр "Чио Чио Сан" дуурийг ёстой өнөө социализмын үед найзлаж байсан Оросуудаас болж бид нар Мадам Виттерфли гэхгүй "Чио Чио сан " гэж шаал утгагүй нэрээр нэрлээд байсан юм байна гэсэн ухаарлын мэдээ цацагдах болжээ. Тэгээд одоо 40 хүрхээр нь өрөвдөөд нэрийг нь сольж Мадам Виттерфли гэж дуудхаар болж байна гээд л бичдэг болсон байна.. Би их өргөн мэдлэгтэй хүн биш ч дээр дурьдсан нэрнүүд өөр өөр хэл дээр л болхоос адил утгатай гэдгийг нь нэг гадарлаад байгаа. Тэгээд ч Цэрэндулам гуайн дуулж байхыг хархад Кимоно өмсчихөөд л дуулаад байдаг. Гэтэл Оросууд тэгж буруу нэрлэж байсан гэснээс болж бид 40 хүрсэн хатагтайн нэрийг өөрчлөх хэрэг байгаа муу. Өөрчилбөл ядаж Эрвээхэй хатагтай гэж болохгүй юм уу. Эсвэл Мадам Баттерфлай гэх ёстой ч юм уу. Ер нь Оросууд яагаад Мадам Бабочка гэж хэлээгүйн бол. Чихэнд чимэгтэй нэрнээс салгаж нэрлэх хэрэг байхгүй л гэж бодож байна. нөгөө нэг Улаанбаатар хотыг Чингис хаан хот гэж нэрлье гээд байдаг шиг л санагдаж байна.

2. Миний 2 дох туйлшрал

 С1 ТВ-ээр Т-цаг гэдэг нэвтрүүлэг явдаг. Тэнгис гэдэг залуу хоол хийхийг бид нарт зааж өгдгийн. Та нар мэдэх байх. Хийж байгаа хоол унд нь бол ярих юм байхгүй гое байдаг л юм.Ямар сайндаа нэг удаа би тоортны крем зуурч харуулсныг нь зүүдэлж яг адилхан боллоо гэж  сэрэх вэ дээ. хэхэ.  Би чинь гэртээ амралтын өдрөөр голдуу ээжтэй хамт Тв үзэж хүн муулах ажлыг хийж суудаг болхоор өнгөрсөн амралтын өдрөөр ч мөн адил сууж байлаа. Т-цаг гарч Тэнгис маань хоолоо хийж байна. Нэг зүйлийг хэлхээс өмнө баахан оршил яриадхий. Өмнө нь ээж бид хоёр уг нэвтрүүлгийг үзэж  суухдаа Би ээжид энэ залуу яасан муухай шүдтэй юм бэ тээ гэтэл ээж- Хоол хийж байхад шүд ямар хамаатай юм, Хөөрхөн л хүү байна гэхээр би мөчөөгөө өгөхгүй муулж байсан юм. Тэгтэл яаг хүнд муу санахаар өөрт гай ирдэг гэдгийг илрэл болж би хиймэл шүдээ тэр дор нь хугалсан. Хихи. Тэгтэл өчигдөр Тэнгис шүдээ огт гаргаж ярихгүй байхаар ньгайхаж байтал хэн нэгэн надархуу гар шүд нь муухай гээд хэлцэн юм шиг байна лээ. Тэгээд бүүр яриан дундаа хэд хэдэн удаа над шиг муухай шүдтэй юмыг хэн тоохов, Дахиад нэг шүд уначих вий дээ гэхчлэн ярьж байсан. Балай юм дахиж түүнийг муулж байхгүйээ. Гое хоол зааж өгч байхад нь өөр юмыг нь хараад ...Тэнгисийгаа дэмжинээ.

3. Дуучид

Ээж бидний санаа нэгдэн муулдаг зүйл бол олон тооны дуучид юм. Бүүр бүх ТВ дээр гарна шүү. Чадал чансаатай хэдхээн дуучдыг эс тооцвол Монголын дуучдыг чөтгөр аваасай гэж хэлмээр санагддаг юм. Үнэхээр хувь хүн дуу дуулахгүйгээр амьдарч чадахгүй энэ тэр бол одоо караокед  ороод орилж болдгүй муу, заавал нэг зурагтаар гарч хүний хараал идхийн оронд.. 20-р зууны 25 шилдэг дуу ч гэлүү дээ. Нээх сүрхий нэрт даржин тоглолт зурагтаар үзлээ. 25Тв-гээр гарсан юм. Тэгээд бүгд урьд өмнө нь хүн дуулсан дууг дахин дуулхыг оролдсоноос боловуу. Их муухай дуулж байсаан. Суваг эргүүлтэл дуучин Хонгор дуулж байлаа, бас дуучин Энхзулын хүү нь бас нэг дуучин юм байх . Одоо энэ чадалтай чадалгүй орилж хашгирч байгаа гаруудын хүүхдүүд бас дуулаад унавал ирээдүйд яана даа л гэж бодогдсон. Дуучид өөрсний хэр чадлаа мэдэхгүй Тайлан тоглолторхуу юм хийдэг , Нөгөө тоглолтыг нь зориод үзэх хүн ховор тул танидаг хүмүүстээ зараад өг гэж шантаажилдаг. Саяхан Хөгжмийн зохиолч Цэцэрлэг билүү дээ. Нөхөртэйгээ хийсэн тоглолтын билетийг манай ажлаас шахаж байсан Зүгээр шахна гэж байхгүй л дээ. Цалин буухаар мөнгийг нь суутгаж авч эд нар новшроод. Ажлын нэг ах манай ажлынханд бүгдэд нь шахсан билет илүү гараад Бөхийн өргөөний гадаа зарах гээд очсон чинь бидэнд 8000-р шахсан билет нь 2000 болчихсон байна гэсэн тэгээд 2000 р зархаар үлдсэн мөнгийг нь хэн төлөх билээ гээд аваад ирсэн гэж ярьж байсан. Хүмүүс бас мэдэж үнэлж байх хэрэгтэй өөрснийгөө, хэн ч мэдэхгүй нэг дуучин тоглолт нь 8000 гэцэн явж байхыг харж  л байсан. Бас нэг юм нэмж хэлхэд дуучин хүн үзэгчидээ хүндэлж хүний нүдэнд аятайхан харагдах ёстой гэж боддог. Нээх аймшгийн царайлчихаад өөрийгөө үзүүлнэ гээд явдаг хүмүүсийг ойлгохгүй байна. Магадгүй би аймар өөнтөгч болхоороо тэгж хардаг байж болох боловч дуучид гадна үзэмждээ анхаарч байгаасай гэж хүсж байна. Өмнөд Солонгост царай муутай боловч сайхан хоолойтой бол царайлаг хүмүүсийн ар талд хоолой хийгээд тайзны ардаас дуулдаг гэж сонсож байсан.Хамгийн хүмүүсийн сайн мэдэх жишээ бол Өвлийн хайрын дуу киноны дууг дуулдаг дуучин бөгөөд дандаа тайзны араас дуулдаг гээд Япончууд урьж авчраад илээр дуулуулж байхыг нь харж л байсан. Нээх царай муутай биш боловч, хэхэ, шүд муутай хүн байсан.